We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

L​ö​tschb​ä​rgstrass

from Heldelieder by Trummer

/

lyrics

Die Bärge het's scho lang gä, u o ds Huus isch denn scho gstande
A dr beschte Laag im Tal, grad dert wo d'Strass isch dürigange
Lang bevor si teeret hi, scho vurem erschte Chrieg
Hi die Riisende hie stillgha u i Vaters Beckery
Öppe es Brot gchuuft u chli Proviant bevor si wyter sy
Ar Gemmi zue uf dr Lötschbärgstrass

Mir Chind hi gwüss viil gholfe, es het ging öppis z'tüe gä
Ir Bachstube u im Lade, mi het müesse früei ufstah
När hi mr usi dörfe, mir hi gspilt grad näben Huus
Sy ufem Zuun am Fäldrand ghocket u hi aller kennt u grüesst
Wo sy verbycho uf däm Wäg wo mier druf i d'Schuel sy ds Tal dr'uus
Uf dr alte Lötschbärgstrass

U sini Hand hani ging gspürt
Über mier

Ir Sunntigschuel hani när Werner troffe, är isch menge Sunntig mit mier gloffe
Er het Gspäss gmacht bis ig glachet ha, i hane gärn brcho so nadisna
Mier sy gwüss chum erwachse gsy, wo mier hi ghüraate
I bi zuenim züglet bi sine Alte i ds Huus ar Haslimatte
Mier hi jede Aabe zuegugget wie ds Tal versinkt im Schatte
U mitts drin d'Lötschbärgstrass

Es het niemer je behuuptet gha, es wärdi ifach sy
Werner ir Fabrigg u mier dehiim jahrus, jahry
So isch iis Chind nachem andre cho, i gseh si ging no vurmer
Wie si glachet hi u näbenand dert ds Bord achi sy gsprunge
Wenes sältnigs Outo mitre Stuubwolke isch düricho dert unde
Uf dr alte Lötschbärgstrass

Mier hi es iigets Huus buut, gly nachem zweite Chrieg
Im Dorf vore, wo d'Fabrigg u d'Chilche chli necher sy gsy
U gwüss ersch mengs Jahr speter, wo si d'Strass lengscht teeret hi
Het iine vo de Junge dert sälber buut u isch gly druf
Mit sir iigete Familie yzoge i sis Hiim
Grad näb dr nüüie Lötschbärgstrass

U sini Hand hani ging gspürt
Über mier

Vom Gerihorn zum Elsighorn zum Niese zur Altels
Isch nüt so richtig blibe ussert de Näme unem Fels
Ir Matte hindrem Huus stampfes ging meh Blöck usem Bode
D'Fabrigg isch furt, u d'Chind sy lengscht i ds ganze Land usgfloge
Näb em alte Viadukt hi si e Betonbrügg ufzoge
Füre Schnällzug über d'Lötschbärgstrass

Mier hi Werner ufe Fridhof bracht, zwe vo de Junge o
I hami mengisch gfragt ob öppis hetti chöne anders cho
Aber i wiis, es bringt nüd z'chlage, u o ds Grüble wäger nüt
U es bringt o nüt ging z'glyche z'frage, wes ki luti Antwort git
Dür all das füehlig mig trage, bi gwüss nie i ds Leerä gchit
Sini Hand hani ging gspürt
Sini Hand hani ging gspürt

credits

from Heldelieder, released February 21, 2014
Trummer: Gesang, Gitarre, Perkussion
Nadja Stoller: Gesang, Akkordeon
Karin Widmer: Geige
Robert Aeberhard: Kontrabass
Sacha Häusler: Dobro

license

all rights reserved

tags

about

Trummer image

Trummer Berne, Switzerland

"Es ist nicht übertrieben zu behaupten, Trummer gehöre zu den ganz wenigen Schweizer Künstlern, die Songs auf einem derart hohen Niveau nicht bloss schreiben und komponieren, sondern auch vortragen können."
Pedro Lenz.
"Trummers Songs berühren, weil sie weder belehren noch beeindrucken wollen, sondern es bei der schlichten Frage belassen: Kennt ihr das auch?“
Laudatio SUISA Stiftungspreis 2011 ... more

contact / help

Contact Trummer

Streaming and
Download help

Redeem code

Report this track or account

If you like Trummer, you may also like:

Bandcamp Daily  your guide to the world of Bandcamp

On Bandcamp Radio

Saxophonist Isaiah Collier chats about his new LP and the influence of Pharoah Sanders.
listen now