We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Trummers Labor1: Amne sichere Ort

by Trummer

/
1.
Amne sichere Ort Herbschtwind isch cho, rüttlet am Dach I ghöre di näb mir, beidi scho wach Di ganzi Wält isch müed, üse Acker duss ligt brach Du seisch: Näbel isch es Anagramm für Läbe I säge: Nume i üser Sprach Aber i weiss, was du meinsch Klarer gseh möchti’s o Mir wüsse ungefähr wie’s steit, Aber mir wüsse nid rächt wo U mini Liebi zu dir versteckt sich vor de Wort Vor de Näme u Gründ Amne sichere Ort I ghöre di näb mir, di Hand im Haar E wohlvertrouti Geschte Mängisch läär, mängisch wahr Dr Zwyfel isch e Winde, richtig los wird me ne nie U d’Wahrheit i jedem Zwyfel Isch mindischtens, dass es ne git Mir hei um Verspräche grunge, üsi Nöchi beschwört Aber halt nume Usdrück gfunde, woni scho vil z’oft ha ghört U mini Liebi zu dir versteckt sich vor de Wort Vor de Näme u Gründ, amne sichere Ort Mini Liebi zu dir versteckt sich o vor mir Vor mim Wunsch alls z’verstah, und si antwortet nid
2.
Pouse 03:09
Pouse Wirfsch alls über Bord hie Zum luege was schwümmt Mängisch chame’s rette, mängisch de o nümm I gloube nid dass du überleit hesch Was du dir da hesch gwünscht Chasch ja speter behoupte Du heigsch gsuecht was de findsch Hand uf ds Härz, Liebschti, warum setzisch alls uf ds Spiil? I däm chlyne Läbe, wo mir hie hei isch alls gar nid so viil Villech isches wichtig, u villech ja o nid Ds Läbe isch e Pouse Säg, bisch du enttüscht jitz Dass’s eifach wytergeit Isch halt gar nid so romantisch wie me geng seit Heiligi Gfüehl und Wörter, mir besinge si o hie Aber ds Glächter vo de Götter isch viil lüter no als die Villech isches wichtig, villech ja o nid, Ds Läbe isch e Pouse Mir hei Fröid a de Frage, mir schickenis dry U jedi grossi Erkenntnis zeigt wie chly dass mir sy U villech gits e Wahrheit Villech weiss die o das: Ds Läbe als Pouse zwüsche was? U villech isches wichtig, villech ja o nid Isch ds Läbe als Pouse nur en Idee gsy für das Lied?
3.
Gschpänschter So wartet hie die Nacht uf Versterchig Vo de alte Gschpänschter und ihrne Gescht Wo schynbar no nid gmerkt hei, dass si z’spät sy Hüt wird hie nümm tanzet Hüt git’s hie kes Fescht Si hei geng no ds Gfüehl si wüsses besser Si dänke niemer kennt mi so wie si So mängi Nacht hei mir zäme verschwändet Hüt lahni die Tür zue Hüt dänki nur a di So brüetet halt die Nacht nöii Gschpänschter Si hei sech’s gmüetlich gmacht a mim Tisch Si lache über all die Züg woni verpasst heig Aber i bi ja drby gsy I weiss, das gar ke Zug gfahre isch Si zeige Bilder vo Aabetüür u Reise Si spotte wär nümm wott het gha Si singe: Nüt isch meh wärt als d’Freiheit Aber i weiss was si choschtet I ha zahlt drfür i Jahr I nenne si bim Name I verrate si a di Welle Wäg i jitze nime, bestimme nume i Villech no chli ds Schicksal Die alte Gschpänschter emel nid
4.
Gfunde 05:56
Gfunde I ha Angscht gha vor em Acho Drvor dass’s mal nümm wytergeit Vorem Ändi vo de Frage Vor dr Lääri i däm wome versteit I ha es nameloses Glück gsuecht Jitz weissi ganz genau wie’s heisst I ha ke Angscht me vorem Acho Will i glych no nid viil weiss I hane Wändig für mi Gschicht gsuecht Si het ihri eigni bracht U jitze teile mir die Gschichte U sueche wyter, zum Teile no e Sprach I ha gmeint ds Läbe wartet ume Egge I ha hie inne gwartet druf Jitz rüttlet’s a mim Tor I ma mi niene meh verstecke I tue dr Rigel sälber uf I ha nümmeh bessers vor I ha es nameloses Glück gsuecht (Si het e Psalm uf ihrer Zunge) Jitz weissi ganz genau wie’s heisst (Si het e Stimm i ihrem Buuch) I ha ke Angscht me vorem Acho (Si isch die woni ha gfunde) Si het es Rätsel vomne Geischt
5.
Alls wird anders Scho gly hei mir wider Jubiläum Was me zäme läbt macht rych U mir frage üs wo das hifüehrt Alls wird anders sy Irgendwenn merksch de o du dass i nümm jung bi U schöner wirdi villech de o nid Alls wird anders sy D’Angscht dass’s mir üs girrt het dörft schwinde, D’Angscht dass’s doch no schiefgeit wachst de glych Geng die Frag was me macht we me findet Alls wird anders sy Üsi Sehnsucht bruucht e nöie Name Üsi Suechi bruucht es anders Ziel Alls wird anders sy Chumm mir zwöi, mir blybe glych Zäme Liebi isch lengscht nüm nur es Verspräche Villecht fragt sich irgendwenn ob si no läbt Du lehnsch di voll Vertroue i d’Umarmig Plötzlich fragsch di ob du wosch dass me di häbt Und alls wird anders sy U wenni wider mal lang gnue gmeint ha i wüssi’s De fragi eines Morgens wär du bisch Villecht fröisch di mir das ändlich wider z’zeige Villecht merksch wie gross die Frag für di grad isch Und alls wird anders sy Chumm mir zwöi, mir blybe glych We’d die Einti gfunde hesch, de hesch när äbe eini U alli andere zieh a dir verby U es stimmt, s’isch geng e Frag vo dr Entscheidig Alls chönnt anders sy Es git sicher viil wome geng no chönnt probiere S’isch gratis z’hoffe ds Perfekte wär drby Aber eis isch sicher glych: Alles chönnt anders sy Chumm mir zwöi läbenis rych zäme Chumm mir zwöi mir blybe glych Zäme
6.
Dummheit i dr Liebi I stelle mir di vor, wie’d am Fänschter steisch U zwüsch de Wohnblöck gsehsch e Pfyler vo där Brügg Zmindscht uf das chasch di verlah: Är chunnt o hüt wie geng am Aabe dert drüber pünktlich zrügg U wie geng wirsch ne begrüesse, en Umarmig i dr Chuchitür So wie dir das ygüebt heit all die Jahr Aber was si würklich heisst, u wie’s mit öich wytergeit Das isch de lengscht nid eso klar Bir Dummheit i dr Liebi isch d’Straf geng gad scho ybout, hei mir glehrt U lengscht nid nume dert I stelle mi di vor wie’d am Fänschter steisch Uni gseh di zimli gnau, s’fallt mir nid schwär I bi lang gnue dä gsy wo’d erwartet hesch U im Rückblick schynt so mängs Verspräche läär I ha mi aagloge, u dir nüt gseit, Als ob’s das besser miech, es tuet mir leid I ha würklich nid gad viil verstande denn Es isch Liebi gsy, chli kompliziert U mir hätte’s beid’ besser verdient Aber mir hei de grad chli z’spät enand erkennt Bir Dummheit i dr Liebi Isch d’Straf geng gad scho ybout hei mir glehrt U lengscht nid nume dert I stelle mir di vor, wie’d am Fänschter schteisch U es trifft di, wie bekannt dir das vorchunnt Aber Gschicht, si widerholt sich nid Du bisch nümm du, är isch nid mi U ds einzige wo blybt, isch d’Frag warum Bi Sorgfalt i dr Liebi Isch ds Glück halt nid mit ybout, wie me lehrt S’isch irgendwie verchert U du weisch, i wünsche dir meh
7.
Ds Läbe gä 04:06
Ds Läbe gä I ha dr Räge ghört dür d’Vorhäng Grad wo du mi Hand hesch gnoh E Summernacht und e früsche Wind I lose zue wie dr Schlaf di findt We nume nie wär dr Morge cho Jitz steit dä Tag vor em Fänschter Du luegsch mi a, mr hei ke Wahl Mr schribe wyter a dere Gschicht Kapitel Drü u ke Überschrift Aber jedes Wort wo drin steit isch wahr U i säge, i würd ds Läbe gä für das Aber wäge däm muesch du ke Angscht ha I gibes eh scho Nacht für Nacht u Tag für Tag I blybe stah ar Chrüzig vore Bis mir dr Räge i d’Ouge rünnt Es Bild vo dir wo’d di umdräiht hesch Es Bild vo dir und wie nöch du bisch Kes Bild drvo, wo das hiifüehrt U du blybsch stah vor dr Tür us U während du dr Schlüssel suechsch Es Bild vo all däm wo du hesch ghofft Es Bild vo mir und ob das jitz passt Grad wo du hesch mi Hand gnoh U i säge i würd ds Läbe gä für das Aber wäge däm muesch du ke Angscht ha I säge we nid für ds Wahre de für was? I gibes eh scho Nacht für Nacht u Tag für Tag
8.
xLieblingslied Jitz spilt nomal ihres Lieblingslied dert im Zimmer näbe mir I no hie am Chuchitisch u dr Spüehltrog no voll Gschirr Mängisch ghöri wie si blettret, mängisch ghöri wie si niest Und i weiss es wär niene besser, i ha mers gwünscht so und jitz bini hie I weiss o wo i bi härcho En Irrlöifer i där Stadt I weiss o, was i ha mitgnoh Alls wo me nid anders cha I ha nüt anders erwartet Aber das de glych o nid I ha als Prediger vor Sunne aabättet jede Sturm Mit Gfüehl wie Helde im Theater u nume mir als Publikum Uf dere Suechi nach Erlösig, hani mi dür Gschichte gjagt Und i ha mängs für Ängel ghalte als Irrlöifer i dere Stadt Und i weiss o wo i bi härcho Dr läng Wäg a dä Tisch Haarscharf d’Kurve verwütscht no Erstuunt dass dert nid fertig isch und i ha nüt anders erwartet Aber das de glych o nid Je e Reihe Ängscht u Zwyfel steit üs mit jedem Schritt Spalier Und si hoffe geng uf Glyche aber es git nümmeh z’gwinne hie Ihres Gschrei verhallt im Gang us, i zieh d’Tür zue hinder mir Uni weiss es wär niene besser, u si spilt nomal ihres Lieblingslied Und i ha nüt anders erwartet, Aber das de glych o nid
9.
Brieffründ 05:03
Brieffründ Hey Jenä, wie isch ds Läbe? Scho lang nümm vo dr ghört Di schlächtischt Brieffründ hoffet, du hesch dis Plätzli gfunde dert Vo da woni grad sitze gsehni use über d’Stadt U dert unde wo’s jitz glitzeret geit vermuetlich d’Poscht no ab Ersch grad no wäre mir drby gsy, me hätt sech’s gä dür dick u dünn I nime a du nimmsch mer’s nid bös: I gloub zrügg ga möchti nüm Mir hei geng e Gloube gfunde, so het sich mängi Usred tarnt Für doch de nomal alls z’vertuble Für nomal vo vor azfah Mir hei dä Hunger gha nach Drama, es isch geng eis z’finde gsy Irgendwo imne chlyne Zwyfel Oder ire grosse Philosophie Die Idee, alls wo nid weh tuet, syg doch de irgendwie nüt wärt Mir heis mängisch zäme gsunge, üses Loblied ufe Schmärz U wenn i das jitz nümm ma spile, heisst’s öppe chuum dass’ne nüm ha Es wird üs no mängs Drama finde Aber i bäte’s nümmeh a Hey Jenä, wie isch ds Läbe Säg, stuunisch du dert mängisch o Wie so viil, wo üs hüt usmacht, mir denn nid mal hei wahrgnoh Mir isch dä Hunger blibe, är nährt sech geng nume e chli Are liebende Berüehrig, are grosse Philosophie Vo da woni i grad sitze, gsehni use über d’Stadt Di schlächtischt Brieffründ hoffet Mi wärde beidi nie ganz satt

credits

released February 16, 2018

license

all rights reserved

tags

about

Trummer Berne, Switzerland

"Es ist nicht übertrieben zu behaupten, Trummer gehöre zu den ganz wenigen Schweizer Künstlern, die Songs auf einem derart hohen Niveau nicht bloss schreiben und komponieren, sondern auch vortragen können."
Pedro Lenz.
"Trummers Songs berühren, weil sie weder belehren noch beeindrucken wollen, sondern es bei der schlichten Frage belassen: Kennt ihr das auch?“
Laudatio SUISA Stiftungspreis 2011
... more

contact / help

Contact Trummer

Streaming and
Download help

Redeem code

Report this album or account

If you like Trummer, you may also like: